6 लाख 55 हजार रूपयांचा मुद्देमाल पोलिसांनी केला जप्त
जिल्हा प्रतिनिधी-सुनिल हिंगणकर
चंद्रपूर / सिंदेवाही :-चंद्रपुर जिल्ह्यातील रेती घाटावर उपसा सुरूच, आजही रेती माफिया मोठ्या प्रमाणात अवैधरीत्या वाळुचे उत्खनन करीत आहे. चंद्रपूर जिल्ह्यातील मूल, सिंदेवाही, सावली व पोम्भूर्ना हे अवैध वाळू माफियाचे रेती उत्खननाचे हब बनले आहे.
सिंदेवाही तालुक्यात कळमगाव मार्गाने जाणाऱ्या रोडवर शासनाचा विना परवाना अवैधरीत्या रेतीची वाहतूक करणारा ट्रॅक्टर वाहन क्रमांक MH-34 , BV-7646 आणि नंबर नसलेली ट्रॉली असा एकूण अंदाजे 6 लाख 55 हजार रुपये किंमतीचा मुद्देमाल पोलिसांनी हस्तगत केला असुन ट्रॅक्टर आणि ट्रॉली – जप्त करण्यात आली आहे.
अवैधरित्या रेतीची वाहतूक करणारा चालक ट्रॅक्टरसह ट्रॉली सोडून पळुन गेल्याची माहीती पोलीसांनी दिली आहे. तसेच सिंदेवाही पोलीस विना परवाना शासनाची रेतीची वाहतूक करणाऱ्या ट्रॅक्टर चालक व मालकाचा शोध घेत आहेत. सिंदेवाही पोलीस स्टेशन चे प्रभारी ठाणेदार तुषार चव्हाण पुढील तपास करीत आहे.