Breaking News

उपविभाग स्तरावर जिल्हाधिकाऱ्यांच्या “मॅरेथॉन” बैठका

आठवड्याभरात नऊ तालुक्यांना भेटी व यंत्रणेचा आढावा

जिल्हा प्रतिनिधी-सुनिल हिंगणकर

चंद्रपूर, दि. 17 : महिनाभरापूर्वी जिल्ह्यात रुजू झालेले जिल्हाधिकारी विनय गौडा जी.सी. हे कामकाजाबाबत ॲक्शन मोडवर असून त्यांनी उपविभाग स्तरावर मॅरेथॉन बैठकांचा सपाटा सुरू केला आहे. आठवडाभरात तब्बल नऊ तालुक्यांना प्रत्यक्ष भेटी देऊन त्यांनी तालुकास्तरीय यंत्रणेचा आढावा घेतला.


10 नोव्हेंबर रोजी वरोरा आणि भद्रावती तालुका, 11 नोव्हेंबर रोजी बल्लारपूर आणि मूल, 15 नोव्हेंबर रोजी चिमूर आणि सिंदेवाही तर आज (17 नोव्हेंबर) रोजी राजुरा, कोरपना आणि जिवती या तालुक्यांचा जिल्हाधिकाऱ्यांनी आढावा घेतला. गुरुवारी जिवती येथील तहसिल कार्यालयात राजुरा उपविभागाचा आढावा घेतांना जिल्हाधिकारी म्हणाले, आपल्या विभागाशी निगडीत प्रलंबीत कामांचा निपटारा त्वरीत करा. यावेळी जिल्हाधिका-यांनी महाराजस्व अभियान, भुसंपादन, पुरवठा विभाग, संजय गांधी निराधार योजनेतील कामांची माहिती घेतली व शासनाच्या महत्वाकांक्षी योजनांचे उद्दिष्ट पूर्ण करण्याच्या सूचना दिल्या. तसेच महसुली वसुलीचे उद्दिष्ट पूर्ण करण्याचे सांगितले.


यावेळी उपविभागीय अधिकारी संपत खलाटे यांनी राजुरा उपविभागातील महसुल विभागाशी संबंधीत माहितीचे सादरीकरण केले. बैठकीला राजुराचे उपविभागीय पोलीस अधिकारी, उपविभागीय वन अधिकारी, उपविभागीय कृषी अधिकारी, तसेच राजुरा, कोरपना व जिवती चे तहसिलदार, संवर्ग विकास अधिकारी, नगरपरिषदेचे मुख्य़धिकारी, तालुका आरोग्य़ अधिकारी, भूमी अभिलेख, पाटबंधारे विभागाचे अधिकारी उपस्थित होते.

About Jwala Samachar

Chif Editor - Akshay Ramteke Mo. 9146988968 Email : jwalasamachar2019@gmail.com

Check Also

शेवगांवकर चा दणका मोडला शहराच्या मुख्य गटारीला अतिक्रमणाचा विळखा घालणाऱ्यांचा मणका

येत्या पावसाळ्यात शेवगाव शहराची होणार “तुंबापुरी” पावसाळा पूर्व नालेसफाईला नगरपरिषद आरोग्य विभागाकडून दिरंगाई विशेष प्रतिनिधी-अविनाश …

इयत्ता 12वीचा निकाल उद्या

शिक्षण मंडळाच्या अधिकृत संकेतस्थळावर पाहता येणार निकाल नागपूर, दि. 20: फेब्रुवारी-मार्च 2024 मध्ये घेण्यात आलेल्या …

Leave a Reply

Your email address will not be published. Required fields are marked *

All Right Reserved