ज्वाला समाचार सच का सामना
Related Articles
जिल्हा प्रतिनिधी-सुनिल हिंगणकर
चंद्रपूर :-आठवडा होऊनही वाघाची दहशत कायम असून वाघाच्या भीतीने परीसरातील शेतकऱ्यांमध्ये खळबळ माजली आहे. कोठारी वनपरिक्षेत्रामधील बेर्डी शेतशिवारात आपल्या स्वतःच्या शेतात कापुस वेचणीसाठी आणि शेतातील काम करण्यासाठी गेले असता शेतकऱ्यावर शेतामध्ये दबा धरून बसलेल्या वाघाने शेतकऱ्यावर हल्ला करून जखमी केल्याची घटना सोमवारी दुपारी ३ वाजताच्या सुमारास घडली आहे. वाघाच्या हल्ल्यात जखमी झालेल्या शेतकऱ्याचे नाव केशव भिवाजी रामटेके वय ६० वर्षे असे असून तो पोंभूर्णा तालुक्यातील खरमत येथील रहिवासी आहे.
सध्या शेतीचे हंगाम सुरू आहे. कापूस वेचणी व धान चुरण्याचे काम जोमाने सुरू आहे. आज दुपारी केशव रामटेके आपल्या शेतात शेतीचे काम करीत होता. शेतात दबा धरून बसलेल्या वाघाने अचानक हल्ला चढवून रामटेके यांना जखमी केले.बाजूला त्याचा मुलगा व शेतमजूर असल्याने त्यांनी आरडाओरडा केला त्यामुळे तो थोडक्यात बचावला. लगेच त्याला वैद्यकीय उपचारासाठी पोंभूर्णा प्राथमिक आरोग्य केंद्रात आणण्यात आले. त्याच्यावर पुढील उपचार सुरू आहे.
