ज्वाला समाचार सच का सामना
Related Articles
प्रतिनिधी नागपूर
नागपूर दि. 26 : 27 ते 31 ऑगस्ट दरम्यान गोरेवाडा बाळासाहेब ठाकरे आंतरराष्ट्रीय प्राणी उद्यान पर्यटकांसाठी बंद राहील. प्रकल्पातील वाघ, बिबट, अस्वल व तृणभक्षी वन्यप्राण्यांचे सफारी क्षेत्रामध्ये रानतुळस व गवत मोठ्या प्रमाणात वाढल्यामुळे पर्यटकांना वन्यप्राणी दृष्टिस पडत नसल्यामुळे पर्यटकांकडून तक्रारी प्राप्त होत आहेत.याबाबत त्यांच्याकडून तीव्र नाराजी व्यक्त केली जात आहे.
त्यानुसार इंडियन सफारीमधील सफारी क्षेत्रातील वाघ, बिबट, अस्वल व तृणभक्षी वन्यप्राण्यांचे एन्क्लोझरमध्ये गवत व रानतुळस काढण्याचे काम पूर्ण करण्यासाठी गोरेवाडा बाळासाहेब ठाकरे आंतरराष्ट्रीय प्राणी उद्यान पर्यटकांसाठी बंद राहील, असे पी. बी. पंचभाई विभागीय व्यवस्थापक गोरेवाडा प्रकल्प यांनी कळविले आहे.
