ज्वाला समाचार सच का सामना
Related Articles
२४ ऑगस्टला रक्षाबंधन कार्यक्रमात आमदार बंटी भांगडिया यांची प्रमुख उपस्थिती
जिल्हा प्रतिनिधी-सुनिल हिंगणकर
चिमूर :- आजपर्यंत अनेक मराठी चित्रपटांमध्ये तसेच वेब सिरीज मध्ये वेगवेगळे पात्र साकारलेली व महाराष्ट्राची हास्य जत्रा या कार्यक्रमांची अभिनेत्री प्राजक्ता माळी यांचे प्रथमच चिमूर क्रांती भुमीत होणार आगमन.
भारतीय जनता पार्टी महिला आघाडी तालुका चिमूर च्या वतीने भव्य रक्षाबंधन कार्यक्रम दिनांक २४ ऑगस्ट आयोजित करण्यात आले असून या कार्यक्रमाचे आकर्षण महाराष्ट्राची हास्यजत्रा फेम मराठी अभिनेत्री प्राजक्ता माळी सह आमदार बंटी भांगडिया यांची प्रमुख उपस्थिती राहणार असून मोठया संख्येने महिलांनी उपस्थित राहण्याचे आवाहन भाजप महिला आघाडी तालुका अध्यक्ष माया नन्नावरे यांनी केले आहे.
दरवर्षी प्रमाणे आमदार बंटी भांगडिया यांच्या मार्गदर्शनात रक्षाबंधन कार्यक्रमाचे आयोजन केले जात असून दिनांक २४ ऑगस्टला शनिवारी दुपारी १२:०० वाजता अभ्यंकर मैदान येथील सभागृहात कार्यक्रम होणार असून या कार्यक्रमास महिलांच्या खास भेटीला मराठी सिनेअभिनेत्री प्राजक्ता माळी, आमदार बंटी भांगडिया व इतर मान्यवर यांची उपस्थिती राहणार आहे.
यावेळी भाजप महिला आघाडी तालुका अध्यक्ष माया नन्नावरे, प्रदेश चिटणीस ममता डुकरे, दुर्गा सातपुते आशा मेश्राम, गिता लिंगायत, वर्षा शेंडे, भारती गोडे, प्रतिभा गेजिक, वैशाली चन्ने, कल्याणी सातपुते, नसीमा शेख रत्नमाला मेश्राम, छाया कंचर्लावार अरुणा नन्नावरे यांनी चिमूर तालुक्यांतील महिलांनी कार्यक्रमास उपस्थित राहण्याचे आवाहन केले आहे.
