जिल्ह्यात 5013 शालेय बालकांची आरोग्य तपासणी, मोफत उपचार – आरोग्य विभागातर्फे विशेष मोहीम

Related Articles

दोन विधी संघर्ष अल्पवयीन बालकांकडुन चोरीचा साहित्य जप्त

6 hours ago

यवतमाळ जिल्हा काँग्रेस कमिटीच्यावतीने भव्य “तिरंगा यात्रा” चे आयोजन

1 day ago

वाघाने गोठ्यातील चार जनावरे केली ठार

2 days ago

jwalasamachar. jwalasamachar jwalasamachar.jwalasamachar
jwalasamachar.jwalasamachar
jwalasamachar.jwalasamachar
jwalasamachar.jwalasamachar

 

जिल्हा प्रतिनिधी-सुनिल हिंगणकर

चंद्रपूर :- आरोग्य विभागामार्फत राज्यातील शासकीय व निमशासकीय शाळा, अंगणवाडीतील 0 ते 18 वर्षे वयोगटातील बालक व किशोरवयीन मुला-मुलींची सर्वांगीण आरोग्य तपासणी करिता राष्ट्रीय बाल स्वास्थ कार्यक्रम राबविण्यात येणार आहे. या अंतर्गत शाळा व अंगणवाडीमधील मुला-मुलींची विनामुल्य आरोग्य तपासणी करण्यात येणार असून जन्मजात आजार व इतर आजारांवर ‍विनामुल्य उपचार, संदर्भसेवा व विनामुल्य शस्त्रक्रिया मोहीम राबविण्यात येणार आहे.

कार्यक्रमाचे उद्घाटन दूरदृष्यप्रणालीद्वारे उपमुख्यमंत्री अजित पवार यांचे हस्ते 1 मार्च 2025 रोजी सकाळी 8.30 वाजता पुणे येथून करण्यात येणार आहे. यावेळी सार्वजनिक आरोग्य व कुटुंबकल्याण मंत्री प्रकाश आबिटकर, राज्यमंत्री मेघना दिपक साकोरे- बोर्डीकर उपस्थित राहतील. त्याअनुषंगाने चंद्रपूर जिल्हयातील सर्व तालुक्यात दूरदृष्यप्रणाली द्वारे उद्घाटन कार्यक्रमाचे आयोजन करण्यात येणार असून विद्यार्थ्यांची आरोग्य तपासणी करण्यात येणार आहे.

या शाळांमध्ये होणार विद्यार्थ्यांची आरोग्य तपासणी : 1. पी.एम.श्री सावित्रीबाई फुले प्रा.उच प्रा.शाळा, बाबूपेठ, चंद्रपूर (विद्यार्थी पटसंख्या – 850), 2. डॉ. बाबासाहेब आंबेडकर हिंदी न. प. शाळा, बल्लारपुर (विद्यार्थी पटसंख्या – 115), 3. जि.प.उ.प्रा.शाळा, विजासन, भद्रावती (विद्यार्थी संख्या – 133), 4. एन.एच.गर्ल्स स्कुल, ब्रम्हपुरी (विद्यार्थी संख्या – 1275), 5.श्री. राष्ट्रीय प्रा.शाळा, चिमुर (विद्यार्थी संख्या – 229), 6. जि.प. उ.प्रा. मुलांची शाळा, गोंडपिपरी (विद्यार्थी संख्या – 92), 7. जि.प. शाळा, जिवती (विद्यार्थी संख्या – 298), 8. आदर्श हिंदी वि. गडचांदुर (विद्यार्थी संख्या – 263), 9. बालविकास विद्यालय, मुल (विद्यार्थी संख्या – 487), 10. सरस्वती ज्ञान मंदीर, नागभिड (विद्यार्थी संख्या – 225), 11. जि.प.प्रा.शाळा, पोंभुर्णा (विद्यार्थी संख्या – 101), 12. आदर्श प्रा. विद्या मंदिर, राजुरा (विद्यार्थी संख्या – 554), 13. जि.प.प्रा.शाळा, सावली क्रं. 1 (विद्यार्थी संख्या – 193), 14. जि.प.प्रा.शाळा, सिंदेवाही क्रं. 1 (विद्यार्थी संख्या – 133), 15. जि.प.प्रा.शाळा, वरोरा (विद्यार्थी संख्या – 65) असे एकूण 5013 विद्यार्थ्यांची मोफत आरोग्य तपासणी करण्यात येणार आहे.

राष्ट्रीय बाल स्वास्थ कार्यक्रम विशेष मोहिमेअंतर्गत जन्मत: व्यंग, बालपणातील आजार, जिवनसत्वची कमतरता, विकासात्मक विलंब व किशोरावस्थतील आजार इ. आजाराची तपासणी करून मोफत उपचार करण्यात येणार आहे. मोहिमेअंतर्गत ह्दयरोग शस्त्रक्रिया, कॉकलेअर इंम्प्लॉट, न्युरलटुब डिफेक्ट, हिप डिस्प्लेसिया,हायड्रोसेफॅलस,हर्निया हायड्रोसिल, फायमोसिस, अपेंडीक्स, अनडिसेंडेडटेस्टीज, हायपोस्पॅडीया, तिरळेपणा, मोतीबिंदु, दुभंलेले ओठ व टाळु, क्लब फुट इ. आजारावर मोफत शस्त्रक्रिया करण्यात येणार आहे.

या मोहिमेचा सर्वांनी लाभ घ्यावा तसेच बालकांचे आरोग्य निरोगी करून त्यांचे भविष्य सुरक्षित करावे, असे आवाहन जिल्हा शल्य चिकित्सक डॉ. महादेव चिंचोळे, जिल्हा आरोग्य अधिकारी डॉ. अशोक कटारे यांनी केले आहे.