ज्वाला समाचार सच का सामना
Related Articles
नागपूर / बुलढाणा :- समृद्धी महामार्गावरुन नागपूरहून पुण्याला जाणारी बसचा बुलढाणा जिल्ह्यातील सिंदखेडराजाजवळ पिंपळखुटा गावाजवळ भिषण अपघात झाला. रात्री दीड वाजण्याच्या सुमारास ही घटना घडली असून या बसमध्ये ३२ प्रवासी बसले होते त्यापैकी २५ प्रवाशांचा मृत्यू झाला आहे व इतर प्रवासी जखमी झाले आहे. जखमी प्रवाशांना बुलढाणा येथील सरकारी रुग्णालयात उपचारांसाठी हलवण्यात आलं आहे. या बसमध्ये नागपूर, वर्धा आणि यवतमाळ येथील प्रवासी होते विदर्भ ट्रॅव्हल्सची ही बस होती.
विदर्भ ट्रॅव्हल्सची MH 29 BE1819 क्रमांकाची नागपूरहून पुण्याकडे जाणारी बस ३० जूनला नागपूरहून संध्याकाळी ५ वाजता निघाली. १ जुलै च्या रात्री १.२२ मिनिटांनी धावत्या गाडीचे समोरील टायर अचानक निघाल्याने ट्रॅव्हल्स समृद्धी महामार्गावरील पुलावरील दुभाजकाला धडकून पलटी झाली. त्यानंतर काही मिनिटामध्ये पेट घेतल्यानंतर गाडीचा स्फोट होऊन बस पेटली आणि हा अपघात झाला.
बस आधी लोखंडी पोलला धडकून नंतर रस्ता दुभाजकाला धडकली. बस उलटून बसचा दरवाजा गाडीखाली आल्याने कुणालाही बाहेर येता आलं नाही. वाचलेले काही प्रवासी काच फोडून बाहेर आल्याची माहीती मिळाली.
