ज्वाला समाचार सच का सामना
Related Articles
नागपूर, दि. 22 : नागपूर जिल्ह्यामध्ये होणाऱ्या स्थानिक स्वराज्य संस्था निवडणुकीचा प्रक्रियेत नामनिर्देशन पत्र दाखल करण्याच्या आजच्या सातव्या दिवशीही एक अर्ज दाखल झाला आहे. भारतीय जनता पार्टीचे उमेदवार चंद्रशेखर बावनकुळे यांनी आज अर्ज दाखल केला. आतापर्यंत इच्छूकांनी 40 अर्जाची उचल केली आहे.
निवडणूक आयोगाने महाराष्ट्र विधान परिषद द्विवार्षीक निवडणूक-2021 अंतर्गत स्थानिक प्राधिकारी मतदार संघाचा निवडणूक कार्यक्रम 9 नोव्हेंबर रोजी जाहिर केला आहे. 16 नोव्हेंबरला या निवडणुकीसंदर्भात अधिसूचना जारी करण्यात आली आहे. नामनिर्देशनची शेवटची तारीख 23 नोव्हेंबर असून 24 नोव्हेंबरला दाखल अर्जाची छाननी होईल. अर्ज मागे घेण्याची शेवटची तारीख 26 नोव्हेंबर आहे. तर मतदानाचा दिवस 10 डिसेंबर असा आहे. मतमोजणी 14 डिसेंबरला होणार आहे.
