जिल्हा प्रतिनिधी-सुनिल हिंगणकर
चिमूर:-चंद्रपूर जिल्ह्यातील चिमूर तालुक्यातील पळसगांव (पिपर्डा) अंतर्गत विहिरगांव येथील एका गुराख्यावर दबा धरून बसलेल्या वाघाने हल्ला करून ठार केल्याची घटना आज दिनांक २९/१०/२०२३ रोजी पळसगाव वनपरिक्षेत्र अंतर्गत बेलारा इथे आज दुपारी २ वाजताच्या सुमारास घडली. मधुकर जंगलू धाडसें वय वर्षे ४९ रा.विहिरगाव,तह.चिमूर, जिल्हा चंद्रपूर अशी मृत व्यक्तीचे नाव आहे.
वाघाने हल्ला करून ठार केल्याची घटना गावातील नागरिकांना माहिती होताच सर्वत्र भीतीचे वातावरण निर्माण झाले आहे. या आधी सुद्धा अनेक वेळा वाघाच्या हल्लात गुराखी, शेतकरी जखमी झाले असून जिव सुद्धा गमवावे लागले आहे. या घटनेमुळे विहिरगाव बेलारा या गावात वातावरण तणावपूर्ण झाल्याचे दिसून येत आहे. वन परीक्षेत्र अधिकारी योगीता आत्राम यांनी वनविभागाचा पंचनामा करून मृतदेह शवविच्छेदन साठी उपजिल्हा रुग्णालयात चिमूर येथे नेण्यात आले आहे.