जिल्हा प्रतिनिधी-सुनिल हिंगणकर
वरोरा :- पोलीसांनी वेगवेगळ्या ठिकाणी कारवाया करुन दारूसाठा जप्त केला असून याप्रकरणी विनोद जगनूराम उईके (३३), रा. टेंभुर्डा, स्वप्निल महादेव येसांबरे (३८), रा. आष्टा, ता. भद्रावती, रविनंदन सुदामप्रसाद तिवारी (४५), रा. जनकापूर, मध्य प्रदेश, सागर महादेव मारशेटीवार, रा. वरोरा तसेच सट्टापटीचा जुगार खेळविणारा अभय रामाजी ससाने (३०), रा. कॉलरी वॉर्ड, वरोरा यांच्या विरुद्ध गुन्हा दाखल करण्यात आला आहे. आरोपीकडून ४५ हजार ६६० रुपयांचा मुद्देमाल जप्त करण्यात आला असून पुढील कारवाई सहायक पोलिस अधीक्षक नयोमी साटम यांच्या मार्गदर्शनाखाली करण्यात आली.