ज्वाला समाचार सच का सामना
Related Articles
उपजिल्हा रुग्णालय चिमूर येथे वहाणगांव वासियांचे आंदोलन
जिल्हा प्रतिनिधी-सुनिल हिंगणकर
चिमूर : – सध्या रब्बी हंगामाला सुरुवात झाली असून विज वितरण कंपनी कडून कृषी पंपाना रात्रौला विज दिली जाते. त्यामूळे शेतपिकाला पाणी देण्याकरीता वहाणगाव येथील शेतकरी कुमार नितिन जुमनाके या युवकास दिनांक.२३/१०/२०२३ ला रात्रौ १० :३० वाजताच्या सुमारास सर्पदंश झाल्याने त्याचा मृत्यू झाला.लाईट दिवसा असती तर शेतकरी युवकाला जीव गमवावा लागला नसता.
म्हणून या शेतकरी विरोधी धोरण राबविणाऱ्या जुलमी सरकारचा वहाणगाव वासीय शेतकऱ्यांकडून उपजिल्हा रुग्णालय चिमूर येथील आवारात जाहीर निषेध करण्यात आला व रात्री बेरात्री लाईट देण्याऎवजी दिवसा शेतकऱ्यांना शेती पंपासाठी इलेक्ट्रीक लाईन देण्यात यावी अन्यथा मृत शेतकरी यांचे प्रेत हलविणार नाही अशी मागणी करण्यात आली. यावेळी शेगाव पोलिस स्टेशनचे पोलीस उपनिरीक्षक मेश्राम तथा चिमूर पोलिस स्टेशनचे पोलिस निरीक्षक मनोज गभने यांच्या उपस्थितीत शांततेच्या मार्गाने आंदोलन पार पडले.
