ज्वाला समाचार सच का सामना
Related Articles
निंदणासाठी महिला मजूर मिळेना
तालुका प्रतिनिधी – सलीम शेख नागभीड
नागभीड :- दर महिन्याला १ हजार ५०० रुपये मिळावे याकरिता सर्वत्र अर्ज प्रक्रियेत सध्या शहरी तसेच ग्रामीण भागात ‘लाडकी बहीण’ व्यस्त आहे. त्यामुळे शेतामध्ये निंदणासाठी मजूर मिळेनासे झाले आहे. परिणामी, शेतकऱ्यांची चिंता अधिकच वाढली आहे.
यावर्षी सुरुवातीला पावसाने दगा दिला. त्यानंतर शेतकऱ्यांनी कशीबशी पेरणी केली. काहींना दुबार पेरणी करावी लागली. सध्या अधूनमधून पाऊस हजेरी लावत आहे.
त्यामुळे शेतीकामात शेतकरी गुंतले आहे. सध्या पिकांमध्ये हरळी, केणा आगाहा, गाजर गवत यांसह विविध प्रकारचे तणकट उगवले आहे. त्यामुळे शेतकरी मजुरांद्वारे निंदण करण्याला प्राधान्य देत आहेत. मात्र, सध्या ‘मुख्यमंत्री माझी लाडकी बहीण’ योजनेंतर्गत कागदपत्रांची जुळवाजुळव करण्यात महिला व्यस्त आहे. त्यामुळे निंदणासाठी मजूर मिळत नसल्याचे चित्र सर्वत्र दिसून येते आहे. त्यामुळे शेतकऱ्यांची सध्या डोकेदुखी वाढली आहे.
