ज्वाला समाचार सच का सामना
Related Articles
प्रतिनिधी -नागेश बोरकर दवलामेटी
दवलामेटी/वाडी (प्र):-नागपूर-अमरावती महामार्गावर रविवारी रात्री १०.३० च्या सुमारास नागपूर वरून वाडीच्या दिशेने परत येत असताना पोस्टल कॉलनी जवळ दुचाकीची कारला धडक लागल्याने दुचाकी चालकाचा जागीच मृत्यू झाला तर मागे बसलेला मित्र गंभीर जखमी झाल्याची घटना वाडी पोलीस स्टेशन अंतर्गत घडली.वाडी पोलिसांनी दिलेल्या माहितीनुसार मृतक राहुल ज्योतीराम मेश्राम वय-३० वर्ष,रा.आंबेडकर नगर,राहुल चौक वाडी हा स्पेल्डर दुचाकी क्रं. एम.एच.-४०/ए.व्ही-०६६८ ने आपला मित्र किर्ती याला बसून काही खाजगी कामानिमित्त नागपूरला गेला होता परत येत असताना पोस्टल कॉलनी जवळ कार रस्ता ओलांडत असतांना या भरघाव दुचाकीची धडक कारला लागताच हे दोन्ही खाली कोसळले.
डोक्याला शरीराला जबर मार लागल्याने रस्त्यावरील वाहन चालकांनी लागलीच वाडी पोलिसांना याची माहिती दिली.वाडी पोलिसांनी घटनास्थळी धाव घेऊन जखमींना तातडीने नागपूर स्थित मेयो रुग्णालयात दाखल केले असता डॉक्टरांनी राहुलला मृत घोषित केले. तर गंभीर जखमी कीर्तीवर उपचार सुरू आहे.राहुल ला ३ लहान मुली असल्याने परिसरात त्याच्या मृत्यूबद्दल हळहळ व्यक्त करण्यात येत आहे.वाडी पोलिसांनी व्हॅगनार कार क्रमांक एम.एच.३१-एफ.ई/४१०६ चे चालक साहिल सुनील खोडेचा वय-२० वर्ष रा.काचीमेट,अमरावती रोड यांना ताब्यात घेतले पुढील तपास वाडी पोलीस करीत आहे.
