ज्वाला समाचार सच का सामना
Related Articles
जप्त केलेले गौण खनिज व रेतीने भरलेला ट्रॅक्टर जबरदस्तीने हिसकावून पळवीला
चिमूर पोलीस स्टेशन येथे गुन्हा दाखल
जिल्हा प्रतिनिधी-सुनिल हिंगणकर
चिमूर : – दिनांक. ०४ डिसेंबर २०२४ ला फिर्यादी मिलिंद किसन किटे वय ४२ वर्षे पद वनरक्षक वनसंरक्षण व अतिक्रमण निर्मूलन बफर चंद्रपूर व सोबतचे गस्त पथक हे शासकीय सेवक असुन शासकीय गणवेशात चंद्रपुर येथुनही शासकीय वाहन क्रमांक MH-34-AV-1708 या वाहनाने खडसंगी वनपरिक्षेत्र येथे गस्त करीत असताना त्यांना मिळालेला गौण खनिज रेतीने भरलेला ट्रॅक्टर बिना क्रमांकाचा जप्ती व पंचनामा करून खडसंगी येथील कार्यालयाकडे घेवुन येत असताना पांढऱ्या रंगाची स्कॉर्पिओ गाडी क्रमांक MH-46-W-5880 मधील दंबग व्यक्ती व आरोपी टॅक्ट्रर चालक नामे नाव सोनल ज्ञानेश्वर मेश्राम वय २६ वर्षे रा. खडसंगी हे जबदरस्तीने व शासकीय कामात अडथळा निर्माण केला.
फिर्यादी व त्यांचे पथक यांचे ताब्यातुन जप्त गौण खनिज रेतीने भरून असलेला निळ्या रंगाचा मुंडा व लाल रंगाची ट्रॉली बिना नंबरची व तिचे मुंडावर समोरून नंबर लिहण्याचे ठिकाणी लाल रंगाने लाल बादशाहा असे मराठीत लिहलेला ट्रॅक्टर व ट्रॉली सहित किंमत ५,०००००/- रु. व एक ब्रॉस रेतीची किं. ६०००/- रु. असा एकुण ५०६०००/- रु. माल ट्रॅक्टर चालक व स्कॉर्पिओ मधील व्यक्ती घेवुन गेले अशी फिर्यादीने दिलेल्या तोंडी रिपोर्ट वरून सदरचा गुन्हा दाखल करून ४२३/२०२४ कलम २२१, ३०९ (४), ३५१ (२) भा. न्या. सं. अंतर्गत नोंद करण्यात आली आहे. पुढील तपास चिमूर पोलीस स्टेशनचे ठाणेदार संतोष बाकल यांच्या मार्गदर्शनात पोलीस उपनिरीक्षक घनश्याम नवखरे व पोलीस पथक करीत आहे.
