Breaking News

चला जाणूया उमा नदीला उपक्रमांतर्गत मुरपार (तु.) येथे जल दिंडीचे आयोजन

जिल्हा प्रतिनिधी-सुनिल हिंगणकर

चंद्रपूर, दि. 12 : ‘चला जाणूया नदीला’ अभियान गावागावात पोहचविण्यासाठी तसेच श्रमदान आणि लोकसहभाग मिळविण्याच्या उद्देशाने चिमूर तालुक्यातील मुरपार तुकुम येथे उमा नदी संवाद यात्रेअंतर्गत जल दिंडीचे आयोजन करण्यात आले. प्रभु फाऊंडेशन चंद्रपूर व ग्रामपंचायत मुरपार तूकुम यांच्या संयुक्त विद्यामानाने आयोजित जल दिंडी कार्यक्रमात मुरपार तुकुम येथील जिल्हा परिषद तसेच उच्च माध्यमिक शाळेचे विद्यार्थी, महिला बचत गट, गुरुदेव मंडळ, भजन मंडळ, युवक मंडळ तसेच गावातील लोकांनी मोठ्या संखेने सहभाग घेतला.

सर्वप्रथम गुरुदेव सेवा मंडळाच्या मंदिरात जल दिंडीची विधिवत पुजा करण्यात आली. त्यानंतर संपूर्ण गावातून मिरवणूक काढण्यात आली. तसेच मुरपार तुकुम येथे उमा नदीच्या तिरावर नदीमधील जल घेऊन लहान नऊ कन्येचे पूजन करण्यात आले. सरतेशेवटी गुरुदेव सेवा मंडळाच्या ठिकाणी मार्गदर्शनपर कार्यक्रम घेण्यात आला. अध्यक्षस्थानी सरपंच जगदीश नन्नावरे यांच्यासह उपसरपंच भरत अथरगड़े, जनता विद्यालयाचे मुख्याध्यापक  दडमल, प्रमुख मार्गदर्शक म्हणून उमा नदी प्रहरी सदस्य अजय काकडे उपस्थित होते.

काकडे यांनी चला जाणूया नदिला अभियान बाबत सविस्तर माहिती दिली. त्याचबरोबर शासनाचे अभियान यशस्वी करण्यासाठी श्रमदान आणि लोकसहभागाबाबत मार्गदर्शन केले. कार्यक्रमाचे संचालन प्रवीण वाघाडे यांनी तर आभार किशोर बुरले यांनी मानले. कार्यक्रमाच्या यशस्वीतेसाठी गुरुदेव मंडळाचे सदस्य, ग्रामरोजगार सेवक महादेव नन्नावरे, ममता सरपाते तसेच महिला बचत गट सदस्य यामिना अथरगड़े आणि गावक-यांनी सहकार्य केले.

About Jwala Samachar

Chif Editor - Akshay Ramteke Mo. 9146988968 Email : jwalasamachar2019@gmail.com

Check Also

जिल्हाधिकाऱ्याच्या हस्ते तनुश्रीला तृतीय पुरस्कार प्रधान

विशेष प्रतिनिधी वर्धा वर्धा:-भारत हा लोकशाही प्रधान देश असून या देशातील लोकशाही सुदृढ करण्यासाठी कोणत्याही …

स्वत:चे व देशाचे भविष्य सुरक्षित करण्यासाठी मतदान करा – जिल्हाधिकारी विनय गौडा

जिल्हाधिकारी कार्यालयात 13 वा राष्ट्रीय मतदार दिन जिल्हा प्रतिनिधी-सुनिल हिंगणकर चंद्रपूर, दि.25 : अनेक हुतात्म्यांच्या …

Leave a Reply

Your email address will not be published. Required fields are marked *

All Right Reserved