होतकरू तरुणाचे दीर्घ आजाराने निधन
जिल्हा प्रतिनिधी – शशिम कांबळे
यवतमाळ:-यवतमाळ जिल्ह्यातील केळापूर तालुका अंतर्गत येत असलेल्या राष्ट्रीय महामार्ग क्र. ४४ वर करंजी( रोड)येथील कु. आकाश अरुण गाडगे वय ३२ वर्ष याला दोन वर्षांपासून कर्करोगाने ग्रासले होते. आकाश हा आपल्या वडिलांसोबत चाय व पानटपरी चा व्यवसाय करीत असे व आपल्या परिवाराचा उदाहरनिर्वाह व
मदत करीत होता. अश्यातच त्याचा कर्करोगाचा त्रास वाढत असल्याकारणाने आकाशला नागपूर येथे दवाखान्यात दाखल करण्यात आले.
डॉक्टरांनी आकाशच्या खालच्या जबड्याचे ऑपरेशन केले नंतर त्याला किमो घेण्यासाठी दवाखान्यात सतत ये जा करावे लागत असे, मात्र शेवटी आजाराला झुंज देत असताना आज दि.२९/७/२०२३ रोजी सकाळी ४ वाजताच्या सुमारास प्राण ज्योत मालवली. त्यामुळे आकाश च्या जाण्याने गाडगे परिवारावर दुःखाचा डोंगर कोसळला. समाजातील व परिसरातील नागरिकांमध्ये हळहळ व्यक्त केली जात आहे.