Breaking News

आठवले समाजकार्य महाविद्यालय येथे य चं म मु विद्या पिठात प्रथम वर्षाला प्रवेशित विद्यार्थ्यांचा परिचय व स्वागत समारंभ

जिल्हा प्रतिनिधी-सुनिल हिंगणकर

चिमूर:-आज दिनांक २५/११/२०२२ ला आठवले समाजकार्य महाविद्यालय, चिमूर येथील यशवंतराव चव्हाण महाराष्ट्र मुक्त विद्यापीठ (अभ्यास केंद्र कोड – 4259 – A) केंद्रात प्रथम वर्षाला प्रवेशित विद्यार्थ्यांच्या परिचय व स्वागताचा कार्यक्रम आयोजित करण्यात आला. कार्यक्रमाची सुरवात क्रांतीज्योती सावित्रीबाई फुले व वं. राष्ट्रसंत तुकडोजी महाराज यांच्या प्रतिमांना अभिवादन करून करण्यात आली. या कार्यक्रमाला अध्यक्ष म्हणून य चं म मु विद्यापीठाचे अभ्यास केंद्र संयोजक प्रा. डॉ. सुनील झाडे तर प्रमुख पाहुणे म्हणून प्रा. डॉ. विलास पेटकर उपस्थित होते. शास्त्रशुद्ध संप्रेषणाचा व अत्याधुनिक तंत्रज्ञानाचा वापर करून,

दूरशिक्षण पद्धतीने तांत्रिक, व्यावसायिक, रोजगाराभिमुख व जीवनोपयोगी शिक्षण देण्यासाठी नाविन्यपूर्ण व लवचिक दूरशिक्षण पद्धती विकसित करण्याचे उद्दिष्ट ठेऊन महाराष्ट्र शासनाने यशवंतराव चव्हाण यांच्या नावाने मुक्त विद्यापीठाची स्थापना केल्याचे प्रा. डॉ. विलास पेटकर यांनी याप्रसंगी सांगितले. य चं म मु विद्यापीठ हे अत्याधुनिक माहिती तंत्रज्ञानाचा वापर करणारे महाराष्ट्रातील विद्यापीठ आहे.

महाराष्ट्रातील इतर विद्यापीठांसाठी हे विद्यापीठ प्रेरणादायी ठरले आहे. प्रत्यक्ष कॉलेजमधल्या वर्गात न बसता बाहेरून शिकता यावे अशी सोय असलेले, ‘ ज्ञानगंगा घरोघरी ‘ हे ब्रीद असलेले यशवंतराव चव्हाण महाराष्ट्र मुक्त विद्यापीठ असल्याचे प्रा.डॉ.सुनील झाडे यांनी अध्यक्षीय मार्गदर्शनातून सांगितले.याप्रसंगी बी. ए., बी. कॉम. व मानवी हक्क प्रमाणपत्र या अभ्यासक्रमाला प्रवेश घेतलेल्या प्रथम वर्षाच्या विद्यार्थ्यांचा परिचय करून घेऊन त्यांचे स्वागत करण्यात आले. या कार्यक्रमाचे सूत्रसंचालन भारत यांनी तर आभार केंद्र सहाय्यक दिपक गोपाले यांनी मानले.

About Jwala Samachar

Chif Editor - Akshay Ramteke Mo. 9146988968 Email : jwalasamachar2019@gmail.com

Check Also

सदर क्रमांक:-20 महसूली प्रश्न-उत्तरे, ग्राहक साक्षरता अभियान

प्रतिनिधी जगदीश का. काशिकर, कायदा (लॉ) / सुरक्षा / गुंतवणुक सल्लागार (कन्सलन्टंट) व मुक्त पत्रकार, …

७४ व्या प्रजासत्ताक दिनानिमित्त विद्यार्थ्यांनी रॅलीच्या माध्यमातून गावकऱ्यांना दिला तंबाखू मुक्तीच्या संदेश

जिल्हा प्रतिनिधी-सुनिल हिंगणकर चंद्रपूर:- शालेय जीवनापासून चांगल्या सवयी व शिकवण मिळाल्यास निरोगी समाज निर्माण होऊ …

Leave a Reply

Your email address will not be published. Required fields are marked *

All Right Reserved