गावातील लहान मूले शिक्षणापासून वंचित नविन वर्गखोलीचे बांधकाम मंजूर करा – दिपक झोडे यांची मागणी
जिल्हा प्रतिनिधी-सुनिल हिंगणकर
चिमूर:-चिमूर तालुक्यातील अडेगाव को. येथील जि. प. प्राथमिक शाळा तालूक्याच्या शेवटच्या टोकाला असल्याने जातीदुर्गम अवघड क्षेत्रात येत असून या शाळे मध्ये , १ ते ४ वर्ग असून एकूण विद्यार्थी संख्या ४४ आहेत.सदरच्या शाळेला दोन वर्गखोल्या असून १ वर्गखोलीला जागोमागी भेगा पडल्या असून, स्लॅब गळतीमुळे मागील सन २०२२ – २३ पासून शाळेशेजारील गावातील “बुद्धविहार” दोन वर्ग वर्षभर बसविले आहे.परंतु सध्याच्या परिस्थितीत “बुद्धविहार” पण गळत आहे.
त्यामुळे वर्ग १ ते ४ एकाच वर्गखोली मध्ये बसवीत असल्यामुळे वर्ग अध्यापण सुरळीत होतू शकत नाही.तसेच या शाळेची गुणवत्ता चांगली असल्यामुळे आजू – बाजूच्या गावातील मुले – मुली शिक्षणासाठी दाखल होत आहेत. या आधी गटशिक्षणाधिकारी, पंचायत समिती चिमूर मध्ये दिनांक २४/९/२०२२ ला, जुनी इमारत (वर्गखोली) निर्लेखन प्रस्ताव सादर केलेला होता. परंतू सन – २०२२-२३ या वर्षातील वर्गखोली बांधकाम यादी मध्ये सदर शाळेचे नाव सूटलेले आहे. करीता आपण आपले स्तरावर पाठपुरावा करून नविन वर्गखोलीचे बांधकाम मंजूर करण्यात यांवी अशी मागणी दिपक झोडे जि.प.शाळा अध्यक्षानी केली आहे.