ज्वाला समाचार सच का सामना
Related Articles
जिल्हा प्रतिनिधी-सुनिल हिंगणकर
चंद्रपूर :- एका अल्पवयीन मुलीस लग्नाचे आमिष दाखवून तिला फुस लावून पळवून नेल्याबाबतची घटना दिनांक १५-१०-२०२१ रोजी घटली, आरोपी नामे वैभव कुचनकर राहणार हनुमान मंदिराजवळ चंद्रपूर यांने अल्पवयीन मुलीला पळवून नेल्याची तक्रार दिनांक १६-१०-२०२१ रोजी पोलीस स्टेशन पोंभुर्णा येथे दिल्याने अप.क्र. १५१/ २०२१ कलम ३६३ भा.द.वी. अन्वये आरोपी विरुद्ध गुन्हा दाखल करण्यात आला आहे.
पिडीत मुलगी ही अल्पवयीन असल्याने व सदरचे प्रकरण हे संवेदनशिल स्वरूपाचे असल्याने प्रकरणाचे गांभीर्य समजून पोलीस अधीक्षक साहेब यांनी स्थानिक गुन्हे शाखेच्या पोलीस निरीक्षक बाळासाहेब खाडे यांना तात्काळ गुन्ह्यांचा छडा लावण्याकरीता सुचना देण्यात आले. त्यानुसार पोलीस निरीक्षक यांनी तात्काळ स.पो.नि.जितेंद्र बोबडे यांचे नेतृत्वात एक पथक तयार केले.
या प्रकरणातील आरोपीने पिडीत मुलीला नागपूरच्या दिशेने पळवून नेल्याची खात्रीशीर माहिती पोलिसांना मिळाल्याने गुन्हेशाखेच्या पथकाने आरोपीचा पाठलाग करीत मार्ग काढीत नागपूर गाठून आरोपीतास ताब्यात घेवून पिडीत मुलीची सुटका करून चंद्रपूर येथे आणण्यात आले आहे.
पुढील कार्यवाही सबंधीत पोलीस स्टेशन पोंभूर्णा करीत आहे. सदरची यशस्वी कामगीरी पोलीस अधीक्षक अरविंद साळवे चंद्रपुर व अप्पर पोलीस अधीक्षक अतुल कुलकर्णी यांच्या मार्गदर्शनात पो.नि. बाळासाहेब खाडे स्थानिक गुन्हे शाखा, स्थानिक गुन्हे शाखा पथकाचे स.पो.नि.जितेंद्र बोबडे, पोलीस अंमलदार पो.कॉ.व्यंकटेश नलगोंडावार /३९५, म.पो.कॉ.हुजबाना पठाण/२७४१, पो.स्टे.पोंभूर्णा यांनी केली.
