जिल्हा प्रतिनिधी / सुनिल हिंगणकर
चंद्रपूर :- घुग्गुस येथील कामगार नेते किशोर सिताराम बोबडे (वय ५०) राहणार श्रीराम वार्ड, क्रमांक २ हे वेकोलीच्या नायगांव कोळसा खाणीत कार्यरत आहे तसेच एका कामगार संघटनेचे नेते सुध्दा आहे. मंगळवारच्या रात्री ८:४५ वाजता दारूच्या नशेत मद्यधुंद अवस्थेत आपल्या साथीदारासह घुग्घुस येथील पत्रकार संजय महादेव पडवेकर यांच्या घरात घुसुन तु आमच्या कोळसा खाणीची बातमी पेपरला का टाकली म्हणुन अश्लील शिवीगाळ करीत मारहाण केली तेव्हा घुग्गुस शिवसेना शहर प्रमुख हे तिथेच उपस्थित असल्याने भांडण सोडविण्याचा प्रयत्न केला.
पत्रकार संजय महादेव पडवेकर यांनी लगेच घुग्घुस शिवसेना शहरप्रमुख बंटी घोरपडे यांच्या सोबत घुग्घुस पोलीस स्टेशन गाठून तक्रार दिली. पडवेकर यांना घरात घुसुन मारहाण करण्यात आल्याची माहिती मिळताच घुग्घुस भाजपा शहराध्यक्ष विवेक बोढे, किसान काँग्रेसचे जिल्हाध्यक्ष रोशन पचारे, घुग्घुस भाजपाचे माजी शहराध्यक्ष विनोद चौधरी, युवासेना तालुका प्रमुख हेमराज बावणे,माजी नकोड़ा उपसरपंच हनिफ मोहम्मद, काँग्रेस नेते शेखर तंगलपेल्ली, निखिल पुनगंटी, युवासेनेचे चेतन बोबडे, घुग्घुस सर्च टिवीचे प्रतिनिधी नौशाद शेख, पत्रकार पंकज रामटेके, भाजपा युवानेते कोमल ठाकरे यांनी घुग्घुस पोलीस स्टेशन येथे गर्दी केली. पडवेकर यांच्या तक्रारी वरुन कलम ३२३, ५०४, ५०६ अन्वये अदखलपात्र गुन्हा नोंद करण्यात आला आहे.
दोन दिवस आधीच “नायगांव व निलजई कोळसा खाणीचे कामगार नेते हजेरी लावुन घरी परत येताता” अश्या आशयाच्या बातम्या वर्तमान पत्रातुन प्रकाशित झाल्या होत्या. याचाच राग मनात धरून कामगार नेते किशोर बोबडे यांनी आपल्या गुंडप्रवरत्तीचा सहकार्यांना सोबत घेऊन पत्रकार संजय पडवेकर यांच्या घरात घुसुन अश्लील शिविगाळ करीत मारहाण केली. यातील सुनिल बांदुरकर यांच्या वर दारु तस्करीचे अनेक गुन्हे दाखल आहे व तो कामगार नेते किशोर बोबडे यांचा हस्तक आहे.