Breaking News

पदवीधर निवडणुकीत सोशल माध्यमांवार सायबर सेलची करडी नजर : जिल्हाधिकारी

नागपूर, दि.29 : पदवीधर मतदार संघाच्या निवडणुकीच्या पार्श्भूमीवर समाज माध्यमांचा गैरवापर करणाऱ्यांवर सायबर सेलद्वारे करडी नजर ठेवण्याचे निर्देश सहाय्यक निवडणूक निर्णय अधिकारी तथा जिल्हाधिकारी रवींद्र ठाकरे यांनी दिले आहेत.

पदवीधर निवडणुकीमध्ये कोणत्याही परिस्थितीत आदर्श आचारसंहितेचा भंग होणार नाही याची काळजी सर्व पक्षांनी घ्यावी, असे आवाहन त्यांनी केले आहे. निवडणुकीतील प्रचार कसा असावा या संदर्भात निवडणूक आयोगाने स्पष्ट सूचना राजकीय पक्षाना दिल्या आहेत. त्यामुळे कोणत्याही परिस्थितीत या निवडणुकीमध्ये विविध समाज माध्यमांचा गैरवापर होणार नाही, आदर्श आचारसंहितेचा भंग होणार नाही, याकडे प्रशासनाचे लक्ष आहे.

पदवीधर निवडणुकीसंदर्भात समाज माध्यमांवर धडकणाऱ्या आक्षेपार्ह पोस्टवर नजर ठेवण्यासाठी सायबर सेल वाच ठेऊन आहे. या निवडणुकीत मोठ्या प्रमाणात सोशल माध्यमांचा वापर होत आहे. इलेक्ट्रॉनिक माध्यमांचा देखील वापर होत आहे. निवडणूक आयोगाने निर्देशित केल्याप्रमाणे माध्यम सनियंत्रण व प्रमाणिकरण समिती (एमसीएमसी) जिल्ह्यात कार्यरत आहे. या समितीने यासंदर्भात प्रमाणीकरणाचे काम देखील केले आहे. तथापि, परवानगी न घेता व्हाट्सअप किंवा अन्य सोशल माध्यमांवर कोणी आक्षेपार्ह मजकूर टाकल्यास त्यावर कडक कारवाई करा, असे स्पष्ट निर्देश सायबर सेलला दिले आहे.

निवडणुकीला दोन दिवस बाकी असताना वृत्तपत्रांमध्ये दिल्या जाणाऱ्या जाहिरातींचे देखील प्रमाणीकरण करण्यात यावे, असेही त्यांनी स्पष्ट केले आहे.

About Jwala Samachar

Chif Editor - Akshay Ramteke Mo. 9146988968 Email : jwalasamachar2019@gmail.com

Check Also

दहा वर्षापूर्वीच्या आधारकार्डचे अद्यावतीकरण करण्याचे जिल्हाधिकारी यांचे आवाहन  

नागपूर, दि.20 : दहा वर्षांपूर्वीच्या आधार कार्डचे अद्यापही अद्यावतीकरण केले नसलेल्या नागरिकांनी तात्काळ ही प्रक्रिया …

केंद्रीय गृहमंत्री अमित शाह यांची दिक्षाभूमीला भेट

भारतरत्न डॉ.बाबासाहेब आंबेडकरांच्या अस्थिकलशाचे घेतले दर्शन प्रतिनिधी नागपूर  नागपूर, दि १८. : केंद्रीय गृह व …

Leave a Reply

Your email address will not be published. Required fields are marked *

All Right Reserved